Во Франција оваа недела беа уапсени 80 мажи осомничени за злоупотреба на деца, во голема акција при која беше откриено дека ова зло се среќава кај сите општествени категории.
Неименуван висок полициски функционер за агенцијата Франс прес изјави дека тоа е најголемата операција спроведена во Франција и дека меѓу уапсените има двајца воспитувачи, спортски тренер и надзорник во дом за деца со пречки во развојот.
Еден од наставниците украл фотографии и видео снимки од неговите ученици, а бил обвинет за сексуално злоставување ученик, соопшти полицијата.
Меѓу уапсените има десет мажи осомничени за силување на малолетници или сексуален напад.
Уапсените се на возраст од 30 до повеќе од 60 години, а меѓу нив има и локален функционер, инженер и невработен маж.
„Нема типичен профил меѓу овие криминалци, наидуваме на сите општествено-професионални категории“, изјави претставник на полицијата, додавајќи дека при претресот биле пронајдени повеќе од 100.000 видеа и фотографии од злоупотреба на деца.
Сликите се чуваат на компјутери, хард дискови или во други дигитални форми. „Некои од содржината беа крајно насилни“, изјави полициски службеник.
Министерот за внатрешни работи Џералд Дарманен ја поздрави работата на полицијата и „големото сузбивање на овој вид криминал“. Тој додаде дека истрагата се уште е во тек.