Голем пожар во рафинеријата на Тотал во близина на Авр

Од:

Голем пожар избувна рано утринава во рафинеријата во Гонфревил Оршер, во близина на Авр. Префектурата во меѓувреме ги укина превентивните мерки затоа што смета дека нема „ризик по здравјето“ на луѓето, јавува дописникот на МИА.

Пожарот избувнал во 4 часот. Интензитетот на пожарот, што почнал на една пумпа, е контролиран и намален, соопшти компанијата Тотал.

Префектурата потврди дека пожарот бил под контрола и е во фаза „на опаѓање“.

Во инцидентот немаше жртви.

-Значајни внатрешни ресурси се распоредени во гаснење на пожарот, велат од компанијата.

Префектурата прво го советуваше населението да „остане дома“ како превентивна мерка. Утрово таа соопшти дека овие мерки се укинати и дека облаците од чад не претставуваат „никаков ризик по здравјето“.

-Ние извршивме аналитички мерења на сулфур диоксид, азот диоксид, водород сулфид и јаглерод моноксид на различни локации околу рафинеријата. Сите овие мерки беа негативни , тврдат од префектурата.

Тотал додава дека во тек е проценка „за можните последици од овој пожар“.

Платформата Тотал во Нормандија зафаќа 360 хектари во сливот на Сена, таа е најголемата рафинерија во Франција. Исто така, во неа работи и фабрика за петрохемија која прозведува нафтени производи и полимери. Во платфпрмата се вработени 1.500 лица.

Би можело да ве интересира

Во погоелм број француски градови задолжително носење маска и на отворено

Ана Ололовска

Инфлацијата во Франција се забрзува

Ана Ололовска

Ер Франс-КЛМ објавија загуби од 2,6 милијарди евра за вториот квартал на годината

Ана Ололовска

На југот од Франција ставен под контрола шумскиот пожар кој опустоши 165 хектари

Ана Ололовска

Историски пад на францускиот БДП од 13,8 отсто во вториот квартал

Ана Ололовска

Кастекс: Франција нема да воведе карантински мерки на национално ниво

Ана Ололовска