Германската влада денеска усвои предлог со кој се одобрува властите да ги одземаат личните документи на исламските екстремисти во Германија и со тоа да ги спречат да заминат за Ирак, Сирија или други кризни подрачја.
Новиот предлог на Владата дава право на властите да одземат национални лични карти до три години, а лицата на кои се однесува да им биде дадена привремена замена за лична карта, со која немаат право да ја напуштат Германија, јави Танјуг.
Претходно беше дозволено властите да одземаат пасоши, но службениците немаа овластување да одземаат и лични карти, што Германцие многу почесто ги користат за патување во други држави и надвор од ЕУ.
Усвоениот предлог на германската влада е во фаза на изработка уште од октомври минатата година и треба да биде одобрен од парламентот.
Според германските власти околу 550 лица од Германија заминале во Сирија и Ирак да се борат на страната на екстремистичките групи.