Пратениците на екстремно десничарската Националдемократска партија денеска на седницата на покраинскиот Парламент во Дрезден влегоа облечени во облека од неонацистичка модна куќа „Тор Штајнар“. Откако полицијата пристигна за ги одведе. Тие ја напуштија седницата.
Оваа облека е омилена меѓу неонацистите, но според правилата на Парламентот забрането е да се носи во него.
Претседателот на Парламентот на Саксонија, Матијас Реслер од партијата на канцеларката Ангела Меркел, ја прекина седницата и побара од осумте пратеници на НДП да се пресоблечат, а кога тие го одбиле барањето, ги исклучи од седницата и уште од три наредни.
Забрана на НДП, според анкетите, предизвика поделба и меѓу политичарите и меѓу граѓаните. Повеќето од нив се за забрана на партијата затоа што ова не е нивни прв инцидент.
Сојузниот министер за внатрешни работи, Ханс Петер Фридрих смета дека барањето за забрана на НДП не би можело да се поврзе со серијата убиства, за кои се товари терористичката група „Националсоцијалистичко подземје“.