Социјалдемократската партија (СПД) на германската покраина Хесен ги налути Евреите честитајќи им верски празник со фотографија од исламско светилиште.
„Вечерва започнува Јом Кипур, најголемиот еврејски празник. Јом Кипур е ден на помирување на Германците, кој се одбележува строго без работа и со пост. На сите Евреи им посакуваме „Gmar Chatima tova!“, порача СПД Хесен преку социјалните мрежи, но со фотографија од Куполата на карпата.
Куполата на карпата се наоѓа во Ерусалим, но е исламско светилиште. Според научниците, куполата на карпата била формирана за да го покаже триумфот на исламот над Евреите и христијаните.
Раководството на СПД од Хесен дури по бројните негативни коментари ја забележа нивната грешка и им се извини на Евреите.
„Како раководител на информативната служба и портпарол на СПД Хесен лично и во име на институцијата сакам да се извинам за оваа грешка, која никогаш не требаше да се случи“; – истакна Кристоф Геринг на Твитер.
Тој додаде дека во моментов се анализира кој е одговорен за грешката и зошто контролниот механизам не функционирал.
„Едно е сигурно, а тоа е дека ни се случи страшна грешка, која со право треба да се критикува“, нагласи тој.