Владата во Берлин очекува дека во Германија оваа година ќе пристигнат половина милион бегалци, објави вчера германскиот весник „Рајнише пост“, повикувајќи се на извори на Федералната канцеларија за труд.
Германскиот министер за внатрешни работи Томас де Мезијер му порача на директорот на Канцеларијата за миграции и бегалци и на Канцеларијата за труд, Франк Јирген Вајс оваа година да се подготви за прилив со толкав обем, се наведува во текстот на „Рајнише пост“.
Германското Министерство за внатрешни работи се уште не излезе со коментар на текстот.
Во Германија лани пристигнаа околу 1,1 милион мигранти и бегалци.