Околу 700 германски полицајци учествуваа денеска во рација против членови на десничарската и неонацистичка организација „Фрајес нез зид“ (ФНС) формирана 2008 година, пренесуваат германските медиуми.
Групата е активна во Баварија, а причина за денешната рација е обезбедување материјали за забрана на ФНС, за што минатата година во Минхен се изјаснија сите политички партии во покраинскиот парламент.
Портпаролот на покраинската криминалистичка служба соопшти дека е извршен претрес на еден стан во градот Фирт, во близина на Минхен.
За резултатите од полициската акција во текот на денот се очекува да се обрати покраинскиот министер за внатрешни работи Јоаким Херман.