Курдските сили во северниот дел на Ирак, кои се борат против екстремистите на групата Исламска држава (ИД), пред неколку дена биле нападнати со хемиско оружје, соопшти денеска германското Министерство за одбрана.
– Извршен е напад со хемиско оружје југозападно од Арбил. Американски и ирачки експерти од Багдад тргнаа да дознаат што се случило, истакна портпарол на германското Министерство, додавајќи дека некои од курдските борци имале респираторни проблеми.
Според германските медиуми, за нападот се одговорни припадници на ИД, а кога станува збор за повредените тоа се Пешмерга борците, кои ги обучува германскиот Бундесвер.
Моментно 89 припадници на Бундесверот се ангажирани во мисијата за воена обука во северниот дел од Ирак.