Германија ќе донесе национални правила за коронавирус

Од:

Германската Влада се очекува денеска да се договори за измените во националниот закон за контрола на инфекциите, кои треба му овозможат поголема моќ на Берлин за централно спроведување на мерките против пандемијата на коронавирусот.

Измените, кои беа критикувани од некои провинции, може да и дадат на Владата на канцеларката Ангела Меркел моќ да воведе ноќен полициски час и да ги затвори училиштата во областите со висок процент на заразени.

Новите мерки вклучуваат полициски час помеѓу 21 и 5 часот наутро, затворање продавници и ограничување на приватните собири до пет лица од две домаќинства.

Во многу случаи, сепак, регионалните лидери не успеаја да ги спроведат мерките за затворање што ги договорија со Меркел, а некои дури дозволија повторно да се отворат продавниците и кината.

Владиниот портпарол Штефан Зајберт вчера на прес-конференција рече дека новиот закон ќе создаде „унифицирани национални“ правила.

„Целта е земјата да се донесе што е можно побрзо во ситуација со многу пониско ниво на инфекција, каде што можеме одговорно да ги ублажиме ограничувањата со тестирање“, рече тој.

Минатата недела здравствените власти предупредија дека болниците може да бидат пренатрупани без построги национални мерки.

„Ако не блокираме, многу луѓе ќе ги загубат своите животи“, изјави Лотар Вилер, шеф на Агенцијата за инфективни болести на институтот „Роберт Кох“.

Би можело да ве интересира

ВИДЕО: Со 130 гости, без невеста и младоженец, се одржува пилот-свадба во Хрватска

Мери Јордановска

Италија: По примање прва доза вакцина, смртноста од Ковид-19 намалена за 95 отсто

Мери Јордановска

Анкета: Повеќето Германци против повластувања за вакцинираните против Ковид-19

Ана Ололовска

Во Албанија над 200 илјади лица примиле две дози од вакцината против Ковид-19

Ана Ололовска

Берлин ја враќа Британија во списокот на држави со висок ризик од Ковид-19

Ана Ололовска

Од идната недела Црна Гора се отвора за туристи

Ана Ололовска