Германското обвинителство ги проверува сомнежите дека една 93-годишна Германка како чувар во СС трупите била дел од присилен марш на затворенички во кој умреле 1400 жени, јавува дописникот на МИА од Берлин.
Паралелно со истрагата за Хилде Михниа во Хамбург во Хановер се води истрага за 93-годишен Германец кој е осомничен за помагање при убиство на 300,000 затвореници во логорот Аушвиц.
Истрагата за Михниа започнала минатата недела откако граѓанин поднесол приватна тужба што е дозволено со германските закони.
Михниа, која е осомничена дека била чувар во логорите Берген – Белсен и Грос – Росен за весникот Ди Велт вели дека не била инволвирана во нехумани акции туку дека работела во кујна.
Засега неименуваниот осомничен за помагање на убиство на 300 илјади луѓе а чие судење ќе започне во април во северниот град Луенеберг обвинителството смета дека тој бил одговорен за багажот на новодојдените затвореници во Аушвиц.