Генералниот секретар на ОН Бан Ки-мун синоќа за првпат се сретна со лидерот на сириската опозиција Ахмед Џарба со цел да го охрабри да учествува во следната мировна конференција за Сирија.
Џарба изразил уверување дека Сириската национална коалиција е подготвена да испрати своја делегација на конференцијата, што се очекува да се одржи во ноември во Женева, изјави портпаролот на Генералниот секретар Мартин Несирки.
Бан, исто така, го повикал Џарба да разговара и со останатите опозициски групи и да се договорат за испраќање заеднички претставници, односно една делегација.
Некои исламистички организации, кои влегуваат во Слободната сириска армија, сепак не ја признаваат Сириската национална коалиција со седиште во странство за свој претставник.
Генералниот секретар на ОН, претходно објави дека конференцијата за Сирија се очекува да се одржи кон средината на ноември.