Министерот за надворешни работи на ГерманијаЗигмар Габриел денеска оцени дека светот се наоѓа во „студена војна верзија 2.0“.
Во интервју за германскиот весник „Билд“, Габриел предупреди дека светот се соочува со „нова фаза на нуклеарно вооружување“.
Габриел истакна дека односите меѓу Западот и Русија се во ново „ледено доба“ и се поголема е опасноста двете страни да натрупуваат оружје.
– Германија би требало да истапи и да се спротивстави на тоа, вели Габиел.
На новинарско прашање, кој е најлош меѓу тројцата претседатели – турскиот Реџеп Тајип Ердоган, американскиот Доналд Трамп или рускиот Владимир Путин, шефот на германската дипломатија рече дека им е заедничко тоа што преку демонстрирање сила се обидуваат да добијат почит.
Габриел оцени дека тие тројца на светот гледаат како на арена, како на бојно поле.
– Тоа е опасен развој на ситуацијата, оцени Габриел.