Фудбалерот Жан-Мануел Недра (29) и неговата партнерка беа уапсени на парискиот аеродром со повеќе од 100 килограми кокаин скриени во куфери.
Недра е добро познат во светот на фудбалот, а досега има забележано 20 настапи за националниот тим.
Тој моментално настапува за Ајглон.
„Без да ја знаеме неговата вмешаност, дознавме дека еден од нашите играчи е уапсен за шверц на дрога. Да бидеме посилни од кога било, обединети во нашата борба и едукација преку спорт за да се бориме со ова зло. Мораме да ги заштитиме и предупредиме нашите млади за ризиците, последиците и злоупотреби на оваа средина“, се вели во соопштението од клубот.
Жан Мануел Недра и неговата партнерка пристигнале во Париз, а при царинскиот преглед во нивниот багаж биле откриени 100 килограми кокаин.
Двојката е изведена пред истражен судија, а на фудбалерот му е одредена мерка притвор, додека неговата партнерка е пуштена на слобода.