Француските власти свикаа Кризен штаб по саботажата на брзите возови на неколку железнички линии на денот на свеченото отворање на Олимписките игри.
Вршителот на должноста премиер Габриел Атал ќе пристигне на состанокот на кризниот штаб на Министерството за транспорт во Париз, се наведува во соопштението на каналот, пренесува РИА Новости.
Претходно, француската национална железничка компанија извести дека синоќа биле изведени неколку подметнати пожари. Како што јави каналот БФМТВ, цел на напаѓачите биле релејни кабинети во близина на железничката пруга, како и кабли.
Ова доведе до големи прекини на три линии за брзиот воз TGV. Многу возови беа одложени и откажани, погодувајќи околу 800.000 патници. Француските власти инцидентот го нарекоа саботажа.