Со оглед на терористичките закани во регионот на Сахел, ниту едно место таму повеќе не може да се смета за безбедно, оцени француското Министерство за надворешни работи, предупредувајќи на опасноста која ги демне странските државјани во Африка, откако во Камерун се киднапирани седум француски турсти.
Францускиот претседател Франсоа Оланд, кој потврди дека вчера се киднапирани седум туристи од исто семејство, од кои четири деца, кои од Камерун се одведени во Нигерија, рече дека се сомнева оти за киднапирањето е одговорна нигериска терористичка група.
Со француската интервенција во Мали, зголемена е опасноста од земање странци за заложници во целиот регион на Сахел, поради што француските државјани се повикани на најголема внимателност.
Како што наведува француското МНР, најчувствителна е областа на Сахара (Буркина Фасо, Сенегал, Чад, Нигерија, Нигер), но ризикот за засилени напади врз странци не е ограничен само на тие земји.