Француските власти денеска соопштија дека уапсиле маж со руско потекло под сомнение дека планирал „дестабилизација на Олимписките игри“, откако претходно едно младо момче беше уапсено поради планирање напад за време на Олимпијадата.
Маж (40) роден во Русија е уапсен вчера во неговиот стан во Париз, се наведува во соопштението за печатот на париското обвинителство, пренесе АП.
Тој е обвинет за „вршење разузнавачка работа по налог на странска сила“ со цел „предизвикување непријателства во Франција“, кривично дело кое во Франција се казнуваат со 30 години затвор, се вели во соопштението.