Француската полиција уапси осум лица во Париз и Лион под сомнение за вклученост во мрежа за регрутирање борци за џихадистите од групата Исламска држава во Сирија, соопшти денеска францускиот министер за внатрешни работи Бернар Казнев.
Уапсените не се поврзани со терористичките напади во Париз од 7 до 9 јануари, изјави Казнев.
Франција го зголеми нивото на безбедност по терористичките напади на сатиричниот неделник „Шарли ебдо“ и Париз во кој беа убиени 20 лица.
Над стотина француски државјани досега заминале за Сирија и Ирак со цел да се придружат на џихадистите.