Околу 15 Курди се приведени во југозападна Франција во рамки на истрагата за обид за рекет во корист на Курдската работничка партија (ПКК), јави БТА.
Приведувањата се извршени во Бордо и Тулуз, а осомничените се притворени во Бордо.
Според судски извор приведувањата се преземени во рамки на истрагата, која почна во март 2012 година.
Курдската работничка партија (ПКК) се смета за терористичка организација од страна на Турција, Европската унија и САД. Бунтовниците од ПКК од 1984 година се борат за автономија на југоисточниот дел на Турција, кој е населен претежно со Курди. Десетици илјади лица загинаа во судирите оттогаш.