Дваесетгодишно момче на социјалната мрежа „Фејсбук“ најавило дека ќе се убие, но жена од северот на Франција ја открила неговата порака и веднаш ја известила полицијата.
Благодарајќи на жената која случајно ја видела неговата очајна порака, момчето останало живо.
-Жената која што не го познаваше момчето случајно ја видела пораката, но многу сериозно ја сфатила, со оглед на тоа што и самата е мајка. Веднаш не извести и успеавме на време да интервенираме – соопшти полицијата.
Кога полицијата и екипата на брзата помош пристигнале во станот на момчето, го пронашле на кревет со пресечени вени. Веднаш го пренеле во болница.
Елена Георгиевска