Францускиот министер за одбрана Жан-Ив Ле Дријан во денешното интервју за приватното радио РТЛ соопшти дека во моментов екперти ја анализираат видео снимките од седумчленото француско семејство грабнато во Камерун и префрлено во Нигерија, јави дописникот на МИА од Париз.
Видео снимката, која беше објавена вчера од страна на грабнувачите на седумтемина Французи, Дријан ја нарече „ужас“. Тој нагласи дека ова е првпат како заложници да се држат и деца, нагласувајќи дека ваквата ситуација е „неприфатлива“.
– Тоа е тероризам во сите негови видови. Видеото се претвора во инструмент на тероризмот, рече Дријан.
Францускиот министер одби да даде детали за ситуацијата во која се наоѓа грабнатото семејство, сакајќи да зачува малку „дискреција во ова чувствително досие“.
– Ние ги користиме сите средства за да обезбедиме ослободување на заложниците. Ние не преговараме со овие групи, додаде францускиот министер.