Министерот за одбрана на Франција, Жан Ив Ле Дријан соопшти дека поради зголемување на безбедноста на најслабите точки во државата ќе бидат мобилизирани 10.000 војници.
-Францускиот претседател, Франсоа Оланд ги повика вооружените сили да учествуваат во обезбедување на чувствителните точки во државата-рече Ле Дријан по состанокот во претседателството, на кој е потенцирана опасноста од нападите со кои е соочена државата.
Зборувајќи за „вистинската внатрешна операција“, министерот за одбрана рече дека ова е за прв пат, мобилизација во вакви размери да биде изведена на територија на државата.
Инаку владата соопшти дека со цел да се заштитат 717 училиште и места на кои се собираат Евреите во Франција, веќе се мобилизирани околу 5.000 полицајци .
Е. Г.