Француските пратеници со големо мнозинство гласови денеска ја усвоија резолуцијата во која Владата се повикува да ја признае палестинската држава „со цел да се постигне конечно решение на конфликтот“, пренесоа француските медиуми.
Пратениците го поддржаа текстот на резолуцијата со 339 гласа „за“, „против“ беа 151, а 16 се „воздржаа“.
Резолуцијата нема обврзувачка сила за Владата, но има нагласено симболично значење во ситуација на зголемен притисок во Европа за признавање на палестинската држава, забележаа француските медиуми.