„Би сакал да јадам стек”, едно е од првите нешта на 26 годишниот пациент што ги побарал од хирурзите кога се разбудил по истовремената трансплантација на пет органи за варење. Операцијата која ја извршиле француски хирурзи траела 12 часа.
Во Франција, тоа е прва операција од ваков вид извршена на возрасно лице , бидејќи хирурзите такви интервенции до сега вршеле замо врз деца.
Претходно, такви зафати се изведени во САД и Италија, а од неодамна и во Бразил.
Се работи за ретка болест дијагностицирана кај овој пациент, кога имал
осум години, што довело до миопатија на дигестивниот тракт, што резултирало со намалување на мускулите и спречување на цревата да функционираат.
Пациентот бил принуден да се храни преку инфузија, а тоа станало невозможно поради оштетување на неговите вени, па операцијата станала итна.
Од млад донатор се добиени сите потребни органи – црн дроб, панкреас, желудник, дуоденум и тенко црево, а трансплатирана е и слезината.
Годишно може да се извршат околу 10 операции од ваков вид.
Хирурзите се задоволни со извршената интервенција, иако постои голема опасност од отфрлање на трансплантираните органи.
Успех, како што велат лекарите ќе биде кога младиот човек ќе почне да јаде, иако за стек сепак ќе мора да почека до крајот на јануари, кога ќе може да се храни преку устата.