Франција бара „времена суспензија“ на трговските преговори меѓу САД и ЕУ, кои треба да започнат следната недела, соопшти портпаролката на француската Влада, Нажат Вало-Белкасем по денешниот состанок на владиниот Кабинет.
– Ние не сакаме да ги прекинеме преговорите за слободна трговија, но сметаме дека е добро тие времено да се суспендираат, за период од околу две недели, со цел да се избегне полемика и да се добие во време за бараната информација од страна на САД, истакна Вало-Балкасем.