Познатиот карикатурист Стефан Шарбоние наречен Шарб пред неколку дена објави карикатура во „Шарл Ебдо“ која како да го предвидува нападот.
На карикатурата се гледа еден исламист кој вели: „Уште нема терористички напад во Франција? Чекајте! Имаме време до крајот на јануари да ви испратиме честитки“.
Шарб загина во денешниот напад во редакцијата.
Списанието „Шарли Ебдо” (Charlie Hebdo) е сатиричен француски неделник, силно анти-религиозен и со левичарски идеи. Во него публикациите претставуваат жестока сатира над крајната десница, религијата, политиката, модерната култура.
„Шарл Ебдо” е дел од вековната традиција во француската публицистика, која датира од скандалозните памфлети кои ја осудуваат Марија Антоанета во пресрет на Француската револуција.