Најмалку седум лица загинаа, a десетици се повредени попладнево кога патнички воз излета од шините во францускиот департмент Есон, јужно од Париз.
Возот во станицата пристигнал со голема брзина и од непозната причина продолжил да се движи, по што неколку вагони се откачиле и се превртеле на перонот.
Возот патувал на линијата Париз-Лимож. Голем број од патниците се блокирани во деформираните вагони.
Француското Министерство за внатрешни работи потврди дека имало железничка несреќа, но не наведе дали има жртви и колкав е нивниот број.
