Во Мексико синоќа се одржа геј парада, на која учествуваа повеќе од 80.000 лица.
Насобраните луѓе носеа транспаренти со натписи како „Мамо јас сум лезбејка“ и „Горд сум што сум трансексуалец“, пренесе агенцијата „Франс прес“.
Мексичката престолнина во 2009 година одобри склопување брак на истополовни парнери и посвојување деца, спротивно на конзервативната политика во таа држава, со мнозинство католичко население.
И покрај тоа Мексико е втора држава во Латинска Америка, зад Бразил, по бројот на напади на хомосексуалци, бисексуалци и трансексуалци, соопшти Комисијата за човекови права во Мексико.
Од друга страна, надбискупот на Мексико, Норберто Ривера апелираше за одбрана на традиционалните семејни вредности.
-Ние не ги прифаќаме неприродните деца кои го уништуваат сјајот на семејството-истакна тој во текот на вчерашната миса.
Елена Георгиевска