Портпаролката на руското Министерство за надворешни работи, Марија Захарова, ја нарече претседателката на Европската комисија, Урсула фон дер Лајен, „голема лажлива“ поради нејзините тврдења дека Русија наводно одлучила да ги прекине испораките на природен гас за Европа.
Захарова верува дека секој граѓанин на ЕУ може да ја тужи претседателката на Комисијата за оваа изјава и да го добие случајот, пренесува руски ТАСС.
„Урсула е голем лажливец. Русија никогаш не ги прекинала испораките на гас за Европа“, изјави Захарова за новинарите. Според неа, Европејците создадоа свои проблеми со воведување на она што таа го нарекува нелегални санкции врз Русија.
„А потоа, кога, поради присилно штедење, клима уредите во седиштето во Брисел не можат да ладат никого освен Урсула, тие лесно можат да смислат уште една лажна изјава за наводно лоша Русија“, додаде Захарова.
