Портпаролката на Министерството за надворешни работи на Русија, Марија Захарова, изјави дека „Србија не се приклучува кон антируските санкции бидејќи не сака да ја предаде земјата која отсекогаш се залагала за интересите на Србија“.
Таа наведе дека со таков став Србија предизвикува незадоволство во Брисел, објави руското Министерство за надворешни работи на мрежата „Икс“.
„Неподготвеноста на Србија да го следи патот на ЕУ предизвикува незадоволство во Брисел, па дури и агресија“, рече Захарова, осврнувајќи се на фактот дека Србија не се придружи на санкциите на ЕУ против Русија.
