Европа цврсто стои на поддршка за зачувување на суверенитетот на Кралството Данска и Гренланд, изјави денес претседателката на Европската комисија (ЕК), Урсула фон дер Лајен, додавајќи дека Европската Унија (ЕУ) секогаш ќе ги штити своите стратешки економски и безбедносни интереси.
– Ќе одговориме на овие предизвици за европската солидарност со смиреност и решителност, напиша фон дер Лајен во објава на социјалната мрежа X.
Претседателката на ЕК изјави дека разговарала и со генералниот секретар на НАТО, Марк Руте, францускиот претседател Емануел Макрон, британскиот премиер Кир Стармер, германскиот канцелар Фридрих Мерц и италијанскиот премиер Џорџо Мелони за актуелните предизвици поврзани со Гренланд.