Авиокомпанијата Flydubai привремено ќе ги суспендира сите летови до и од Израел додека трае истрагата за инцидентот во авионот кој летал кон Тел Авив.
Од компанијата соопштија дека истрагата е во тек и дека суспензијата ќе им овозможи на надлежните органи да ги утврдат сите околности поврзани со инцидентот.
„Целосно сме посветени на поддршката на истрагата и одржувањето на највисоките безбедносни стандарди во нашата мрежа“, соопшти Flydubai.
Од авиокомпанијата додадоа дека соработуваат со израелските и другите надлежни власти, како и со регулаторите и аеродромските власти, а суспензијата ќе биде преиспитана кога ќе бидат достапни повеќе информации.
Инцидентот се случи на лет од Дубаи кон Тел Авив, кога едниот пилот со нож го нападнал копилотот, по што авионот принудно слетал во Саудиска Арабија.
Израелскиот премиер Бенјамин Нетанјаху претходно изјави дека, според информациите со кои располага, целта на пилотот била да го урне авионот во Израел. Пилотот е уапсен и се наоѓа во Саудиска Арабија.