На Филипините, каде што идната недела ќе се одржи самит на шефови и држави и влади од регионот Азија – Пацифик (АПЕК), по терористичкиот масакр во Париз е прогласен највисок степен на мерките за безбедност.
Во Манила треба да допатуваат првите луѓе на САД, Кина, Јапонија и уште 17 други држави, кои треба да разговараат за унапредување на економската соработка. Меѓу учесниците ќе го нема рускиот претседател Путин, а него ќе го замени премиерот Медведев.
Мерките за безбедност на Филипините беа кренати на повисок степен и пред настаните во Париз. Поради реалната опасност од терористички напади на локалните исламски радикали елитниот кварт Мекати, каде што ќе се оддржува Самитот, повеќе од месец дена ни едно лице не може да влезе или излезе без идентификација и информирање за целта на неговото доаѓање и движење.