Филипинската Влада денеска соопшти дека како највисок приоритет на надворешната политика го смета безбедното враќање на околу 13.000 Филипинци од Либија, поради влошената состојба во оваа северно африканска земја.
Филипинската амбасада во Триполи е зајакната со два специјални тима кои треба да обезбедат побрзо и сигурно повлекување.
Во повикот се апелира сите Филипинци да ја напуштат Либија во најкус можен рок.
Во Либија работат високообразувани и квалификувани филипински работници. Најголем број од нив се ангажирани во индустријата за нафта, медицинските установи и во хотелскиот сектор.