Командата на филипинската Морнарица денеска соопшти дека е откриен почеток на изградба на нова, шеста по ред, нафтена платформа во коралниот архипелаг Спрајтли во Јужното Кинеско Море.
Манила тврди дека и оваа платформа се гради во спорната територија на Јужното Кинеско Море и дека овој потег ќе го пријави до Меѓународниот суд за поморско право.
Спор за територијалниот суверенитет во Јужното Кинеско Море со Кина официјално, пред судот на Обединетите нации, водат Филипините и Виетнам, а со Пекинг за овие територии спорат и Малезија, Брунеи и Тајван.
Кина ги повторува тврдењата дека единствено таа има право на суверенитет над ова море богато со резерви на нафта и гас и е една од најголемите поморски трансверзали, низ која годишно се превезува стока со вредност од над пет трилиони долари.
Лани поради изградба на нафтена платформа во спорните води против Кина избувнаа крвави протести во Виетнам во кој имаше десетици жртви и беа запалени 21 фабрика со кинески капитал.