Милиони ученици на Филипините денеска се вратија во основните и средните училишта за првпат по две години откако беа затворени поради коронавирусот.
Властите во земјата се соочуваат со недостаток на простории за настава, страв кај луѓето од коронавирусот и оштетени училишни згради поради земјотресот што го потресе северниот дел на земјата.
Само околу 24 илјади државни училишта или околу 46 отсто, од денеска би можеле да започнат со редовна настава пет дена во неделата, додека останатите ќе практикуваат комбиниран модел на настава во живо и „онлајн“.
Комбинираниот модел на настава е предвидено да се спроведува до 2 ноември.
Филипинските власти стравуваат дека влошена е состојбата со писменоста на децата во земјата поради долготрајниот прекин на наставата.
Извор: МИА