Сенаторот Џон Фетерман повторно се дистанцира од дел од својата партија и остро ги осуди демонстрантите во Лос Анџелес, велејќи дека тие предизвикале „анархија“, додека многу демократи го обвинуваат американскиот претседател Доналд Трамп за поттикнување немири со неговите агресивни рации против имиграцијата.
„Јас од срце ја поддржувам слободата на говорот, мирните протести и имиграцијата – но тоа не е тоа. Ова е анархија и целосен хаос“, напиша Фетерман на социјалната мрежа X вчера вечерта.
„Мојата партија губи морален углед кога одбиваме да го осудиме палењето автомобили, уништувањето згради и нападите врз полицијата“, додаде тој.