По стапувањето во сила на законот за санкционирање на говорот на омраза на Интернет во Германија, Фејсбук вработи 500 нови соработници во Германија, кои ќе прават проценка на содржините кои корисниците на социјалната мрежа ги објавуваат.
Додавајќи ја оваа бројка на претходно вработените, Фејсбук во Германија има околу 1.200 лица кои што работат на проверка на содржините.
Новите вработени ќе работат од зградата која што беше отворена денес во Есен.
Според законот донесен во јуни оваа година, до 50 милиони евра може да изнесува казната за социјланите мрежи доколку за една седмица не ја отстранат нелегалната содржина.