Федералното истражно биро на САД (ФБИ) отвори оддели низ САД со цел побрзо да се реагира на протестите поради убиството на Џорџ Флојд во Минеаполис.
Американската ТВ мрежа информираше дека официјален претставник на Министерството за правда изјавил дека главниот обвинител, Вилијам Бар му наредил на специјалниот тим на ФБИ да и помогне на локалната полиција во Вашингтон за време на протестите.
Бар, исто така, испратил интервентна единица од Одделот за затвори во Вашингтон и во Мајами, соопштија официјалните лица.
Во меѓувреме, полицаецот од Минеаполис Дерек Шовин, кој го усмрти Флојд давејќи го со колено, беше пренесен во затвор до неговото прво појавување пред суд.
Тој е осомничен за убиство од трет степен и малтретирање, првото сослушување пред суд му е закажано за 8 јуни, а одредена му е кауција од 500.000 долари.