Лидерите на ЕУ постигнаа компромис со Холандија која ќе му дозволи на Хаг да го ратификува договорот за асоцијација со Украина, изјави премиерот на Малта Џоузеф Мускат.
Според европски дипломатски извори, лидерите се согласиле на договорот за асоцијација да биде додаден текст според кој договорот не е чекор кон започнување на преговори со Киев за членство во Унијата, пренесува БТА.
Овој договор ќе и овозможи на ЕУ да покаже обединет фронт пред се по непријателската Русија и ќе придонесе за зајакнување на трговијата и соработката со источноевропските земји, кои тешко успеваат да се држат надвор од сферата на влијанието на Москва.
Договорот за асоцијација на Украина кон ЕУ беше отфрлен на референдумот во Холандија кон почетокот на годинава.
Сега премиерот Марк Руте ќе може да го поднесе во парламентот за одобрение, со што ќе се поништат резултатите од референдумот.