Европската унија постигна договор за цената на гасот, Унгарија против

Од:

Министрите за енергетика на земјите-членки на ЕУ се договорија механизмот за ограничување на цената на гасот да се активира кога цената ќе достигне 180 евра за мегават час, и 35 евра повеќе од референтната цена на течниот гас за период од три последовни дена.

Унгарија беше единствена против утврдувањето горна граница, Австрија и Холандија беа воздржани, а Германија го поддржа договорот. Сите тие земји претходно се противеа на какви било интервенции на пазарот на гас и ценовни ограничувања.

За одлукате не е потребен консензус туку е доволно квалификувано мнозинство, што значи дека мора да биде поддржана од 55 отсто од земјите-членки, односно 15 од нив, а кои сочинуваат најмалку 65 отсто од вкупното население на Унијата. Механизмот ќе може да стапи на сила од 15 февруари следната година.

На минатонеделниот состанок министрите за енергетика не успеаја да се договорат за ограничувањата на цената на гасот, бидејќи предлогот на Комисијата што предвидуваше превисока горна цена на гасот беше неприфатлив за повеќето земји-членки.

Чешката Република како актулен претседавач со ЕУ, на средбата дојде со нов предлог според кој механизмот би се активирал кога цената на гасот за период од три дена ќе достигне 188 евра за мегават-час.

Би можело да ве интересира

Што има во прашалникот што Трамп го испратил до европските созјузници

Катерина Ѓуровски

Одложена е исплатата од Планот за раст на ЕУ за Македонија и земјите од Западен Балкан

ВИДЕО: За Европа нема место во преговорите за Украина, Зеленски повика на формирање европска армија

Катерина Ѓуровски

ЕУ: Напредокот во нормализирањето на односите со Белград е единствениот начин Приштина да напредува

Европската унија ќе чека објаснување, ако треба експресно ќе одговори на царините на Трамп

Катерина Ѓуровски

Трамп повторно се закани со царини за Европската унија