Властите на Белгија, Колумбија и Шпанија, со поддршка на Европол, открија голем синџир на трговија со кокаин од Колумбија на пазарите на земјите од ЕУ, при што по тој повод беа уапсени 32 лица и запленети 5,8 тони кокаин, соопшти денеска Европол.
Операцијата уследи по апсењето на двајца бегалци од италијанската мафијашка организација Камора во Колумбија во октомври.
Истрагата започна во април 2023 година, а анализата на собраните информации утврди дека повеќето од членовите на криминалната мрежа се од Колумбија и Шпанија.