Европа треба да го зајакне својот арсенал против тероризмот, бидејќи е соочена со двојна закана од масовен напад на Ал Каеда и активностите на радикализирани групации, предупредија неколку европски извори.
– Ал Каеда е ослабната, но може да посака да организира напад врз Западот, за да покаже дека постои. Ова стравување го имаат голем број разузнавачки служби и конкретно британската МИ5, изјави извор запознат со ова прашање, јави БТА.
– Најголемата опасност сепак доаѓа од изолирани терористички дејствија, бидејќи нивното откривање е мошне сложено, истакна францускиот европратеник Арно Данжан, кој е поранешен разузнавач.
Шестнаест денови по нападот во Париз и една недела по специјалната операција во Белгија против терористите, кои подготвувале напади, Данжан е уверен дека тоа ќе се случи повторно.
Околу 30 отсто од над три илјади Европејци, кои се приклучиле кон терористичките исламистички движења во Сирија и Ирак се вратиле во своите држави.
– Проблемот со Исламска држава не е дека таа спонзорира некого, туку дека таа всушност „инспирира“ многумина, додаде Данжан.