Јапонските власти вчера наредија евакуација на околу половина милион луѓе, кои живеат во близина на надојдените реки, поради тајфунот Халонг.
Поради невремето се откажани и стотина летови, а загрозен е и копнениот сообраќај. Јапонската метеоролошка агенција предупреди на можност од поплави во префектурата Мија и нареди евакуација во два града, поради страв од излевање на реките.
Тајфунот го карактеризираат ветрови со брзина до 180 километри на час, а тој вчера попладне се приближи до островот Шикоку. Агенцијата предупреди дека обилни дождови во недела ќе го зафатат и Токио, главниот град на Јапонија, иако претходно се очекуваше дека невремето ќе се движи во друга насока.
Е. Г.