Европскиот совет денеска усвои рестриктивни мерки насочени кон белоруската економија, со оглед на, како што е објаснето, вмешаноста на белорускиот режим во војната на Русија против Украина.
Овие сеопфатни мерки имаат за цел да потврдат неколку рестриктивни мерки кои веќе се во сила против Русија, и на тој начин да го решат прашањето за заобиколување на санкциите што произлегуваат од високиот степен на интеграција меѓу руската и белоруската економија, се вели во соопштението на Европскиот совет.
Мерките договорени денеска ќе влијаат на различни сфери на белоруската економија, како што се трговијата, транспортот и услужниот сектор, се додава во соопштението на Советот на ЕУ.
Конкретно, новите ограничувања забрануваат увоз на злато, дијаманти, хелиум, јаглен и минерални производи, како и сурова нафта од Белорусија во ЕУ, пренесе РИА Новости. Ќе престане и транзитот на стоки и технологија со двојна намена низ постсоветската република.
Во новиот пакет, ЕУ ги прошири ограничувањата за патниот транспорт на стоки, вклучувајќи приколки и полуприколки, регистрирани во Белорусија.