Брисел, 15 декември 2020 (МИА) – Европската комисија (ЕК) има намера да обезбеди дополнителни 180 милиони дози вакцини за ЕУ од американската компанија „Модерна“ и конзорциумот „БиоНТек“ и „Фајзер“, јави германскиот весник „Шпигел“, повикувајќи се на дипломатски кругови во Унијата.
Според весникот, ЕК сака да купи уште 80 милиони дози вакцини од „Модерна“ и 100 милиони од „БиоНТех“ / „Фајзер“.
Претходно, Европската комисија нарача 80 милиони дози вакцини од „Модерна“ за земјите од ЕУ по цена од 21 евро за доза и 200 милиони дози од вакцината (по цена од 15,50 евра за доза) развиена од „БиоНТек / „Фајзер“.
Според „Шпигел“, вкупната вредност на пакетот вакцини ќе чини околу 3,2 милијарди евра.