Советот на ЕУ попладнево усвои одлука да потпише договор помеѓу Фронтекс и Молдавија, која не е земја членка на ЕУ, во контекст на руската инвазија на Украина, јави дописничката на МИА од Брисел.
Договорот ќе биде потпишан денеска, соопштија од Советот на ЕУ, за да може Фронтекс веднаш да пружа оперативна помош во Молдавија. Договорот ќе биде целосно усвоен откако Европскиот Парламент ќе даде зелено светло, што треба да се случи многу бргу.
Агенцијата Фронтекс има за цел да ги поддржи прекуграничните активности на земјите членки и на неколку трети земји, главно на Западниот Балкан, во справувањето со мигранти и бегалци.
Околу 300 илјади украински бегалци се во Молдавија откако почна рускиот напад врз Украина.
Извор: МИА