Во текот на 2014 година Европејците собрале и рециклирале еквивалент еднаков на 66 милијарди ПЕТ шишиња од литар и половина, односно околу 57 отсто пластични шишиња и друга пластична амбалажа која се наоѓа на пазарот.
Според собраните податоци, на ниво на Европа минатата година е забележан раст на собрана ПЕТ амбалажа и тоа 6,8 отсто во однос на 2013 година. Истовремено се зголемила и побарувачката за ПЕТ амбалажа и тоа за 4,8 проценти.
Од Петкор Јуроп, паневропска организација со седиште во Брисел, наведуваат дека стапката на рециклирање амбалажа многу се разликува од една до друга држава, а низ земјите-членки на ЕУ надминува просек од 57 отсто.