Во Европската Унија, 25,2% од финалната потрошувачка на енергија доаѓа од обновливи извори во 2024 година, што претставува зголемување од 0,7% на годишно ниво, објави денес Евростат.
Статистичката служба на ЕУ соопшти дека овој удел е околу 17,3 процентни поени помал од целта од 42,5% за 2030 година. Ова би барало просечно годишно зголемување од 2,9% од 2025 до 2030 година.
Меѓу земјите од ЕУ, Шведска имаше најголем удел во финалната потрошувачка на енергија од обновливи извори (62,8%). Скандинавската земја првенствено се потпираше на цврста биомаса, хидроенергија и ветер.
Следеше Финска со 52,1%, која најмногу се потпираше на цврста биомаса, ветер и хидроенергија.
Данска беше трета со 46,8 проценти, при што поголемиот дел од нејзината обновлива енергија доаѓа од цврста биомаса, ветер и биогас.
Најниските удели на обновливи извори во вкупната потрошувачка се забележани во Белгија (14,3 проценти), Луксембург (14,7) и Ирска (16,1).