Два извора од Европската комисија потврдиле за Ројтерс дека предлогот за нов пакет санкции против Русија е изменет за да им се овозможи на Унгарија, Словачка и Чешка подолг период на прилагодување на забраната за увоз на руска нафта.
Според новиот, изменет предлог, Унгарија и Словачка би можеле да продолжат да купуваат руска нафта до крајот на 2024 година, а Чешка до јуни истата година, под услов да не обезбеди алтернативен извор преку гасовод од јужна Европа, потврдија изворите.
Да потсетиме, Словачка и Чешка побараа ослободување од наметнувањето ембарго на руската нафта, а Унгарија отворено се противи на идејата за воведување забрана за увоз.