Естонски дипломат беше протеран од Русија во одговор на аналогна мерка, преземена претходно од балтичката република, соопшти естонското Министерство за надворешни работи.
– Естонскиот конзул во Санкт Петербург Франек Персидски беше протеран од Русија. Тој веќе се врати во Естонија, соопшти портпаролот на естонското МНР.
Естонецот Алексеј Дресен беше осуден минатата година на 16 години затвор за шпионажа во корист на Русија, а неговата сопруга доби условна шестгодишна пресуда, откако двајцата се изјаснија за виновни.
Во 2009 година друг Естонец, поранешниот службеник на Министерството за одбрана Херман Сим, беше осуден на 12,5 години затвор за продавање тајни на НАТО на Русија.
Естонија, поранешна советска република со население од 1,3 милиони, се присоедини кон НАТО и ЕУ во 2004 година.